नखःचखःयात ध्यानय् तयाः सुरक्षा योजना

येँ (रासस) – न्ह्यःने वयाच्वंगु मोहनि नखः व मेमेगु नखःचखःयात ध्यानय् तयाः बागमति प्रदेश प्रहरी कार्यालयं थप व्यवस्थित सुरक्षा योजना न्ह्याकूगु दु ।

मोहनि, स्वन्ति, ल्होसार, छठ पर्वय् जुइफुगु खुँज्या, ठगी व आपराधिक क्रियाकलापयात निरुत्साहित यायेगु ताः तयाः सुरक्षा योजना न्ह्यःने हःगु खः । थुकिया निंतिं प्रदेशया झिगू जिल्ला (येँ, यल व ख्वप बाहेक) प्रदेश प्रहरी कार्यालय मातहतया फुक्कं प्रहरीं युनिटयात चुस्तदुरुस्त यानागु खँ प्रदेश प्रहरी कार्यालयया प्रवक्ता व वरिष्ठ प्रहरी उपरीक्षक सुदीप गिरीं धयादीगु दु ।

नखःचखःयात ध्यानय् तयाः झिगू जिल्लाय् थप स्वसःम्ह सुरक्षाकर्मी जिल्ला जिल्लाय् छ्वये धुनागु खँ प्रदेश प्रहरी कार्यालय बागमतिं धाःगु दु। अथेहे फुक्क जिल्लाय् आवश्यकता कथं थथिी थासय् यात्रु सहायता कक्ष स्थापना याःगु दु। थ्व सुरक्षा योजना अन्तर्गत खुँज्या, ठगीया लिसें मेमेगु आपराधिक क्रियाकलाप नियन्त्रण, सार्वजनिक सवारी साधनय् निर्धारित भाडा लागू जू मजू अनुगमन, राजमार्गय् जुइफुगु दुर्घटना न्यूनिकरण व दुर्घटना जुल धाःसा इलय् हे उद्धारयायेगु योजना दयेकातःगु दु ।

सम्बन्धित बुखँ

LEAVE YOUR COMMENTS