‘जिमित मन्त्री मखु न्याय माःगु दु’
येँ (नेपालभाषा टाइम्स)÷नागरिक उन्मुक्ति पार्टीया सांसद गंगाराम चौधरीं थःपिंत मन्त्री वा मुख्यमन्त्रीया पलेसा न्याय बीत इनाप यानादीगु दु । प्रतिनिधिसभाया सभामुख निर्वाचनय् एमालेया उम्मेदवार देवराज घिमिरेयात समर्थन यासें सांसद चौधरीं उगु खँ धयादीगु खः । वय्कलं थःपिं न्यायया आशय् हे प्रतिपक्षी बेञ्चय् च्वनाः नं सरकारयात विश्वासया मत बियागु खँ धयादीगु खः ।
वय्कलं न्याय मदुतले थःपिं सत्ता पक्ष वा विपक्ष स्वयां नं बिस्कं पक्षय् च्वयेगु धासें धयादिल, ‘सुदूरपश्चिमय् जिपिं मदयेकं सरकार दयेके फइमखु, जिमित कांग्रेसं मुख्यमन्त्री हे बीत तयार दुगु खः, तर जिमिसं मकया, केन्द्रय् नं मन्त्रीया अफर याःगु खः, तर जिमित मन्त्रीमुख्यमन्त्री मखु, न्याय माःगु दु ।’
वय्कलं सरकारं टिकापुर घटनाय् निर्दोष व्यक्तियात शक्तिया आडय् कुनातःगु धासें धयादिल, ‘अनया जनतां निर्दोष व्यक्तियात कुने दइ मखु धकाः सः थ्वयेकाच्वंगु दु, अनया स्थानीय सरकारं नं वहे माग यानाच्वंगु दु, गुगु कानुनया धारा व उपधारां जिमि मनूतय्त कुनातल ? जिमित कारण सहित जिमि राजबन्दी त्वःतेमाः ।’
LEAVE YOUR COMMENTS