प्रहरीया सुरक्षा दथुइ चाबहीया दिप दयेकेगु सुरु

येँ (नेपालभाषा टाइम्स) – चाःबहिलय् च्वंगु शाक्यतय्गु परम्परगत दिप दयेकेगु ज्या न्ह्याःगु दु। थनिंनिसें दिप दयेकेगु ज्या न्ह्याःगु खः । वंगु बिहीवाः दिप दयेकेगु तयारी याःगु खःसां नं पिने वयाः उगु लागाय् छेँय् दनाः च्वंवःपिंसं पंगः थनेवं स्वन्हुया निंतिं दिप दयेकेगु ज्या स्थगित जूगु खः ।

शुक्रवाः पिने वयाः च्वनाच्वंपिं व दिप लिसे सम्बन्धित व वडा कार्यालयय् सहलह जूगु खःसा वयां लिपा सोमवाः तकया निंतिं दिप दयेकेगु ज्या स्थगित यायेगु सहमति जूगु खः । म्हीग दिप दयेकेगु बारे येँया मेयर विद्यासुन्दर शाक्य व पिनें वयाः च्वनाच्वंपिनि दथुइ मेयरया ज्याकुथीइ हे सहलह जूगु खः । सहलहय् खँ मिले मजुइवं मेयर शाक्यं मेयर शाक्य येँ जिल्ला प्रशासन कार्यालययात सुरक्षा बीत इनाप यानादीगु खः ।

थौं दिप दयेकेगु ज्या जुयाच्वंगु थासय् प्रहरीं सुरक्षा बिउगु दु। थ्व दिपः येँ महानगरपालिकाया बजेटं दयेकेगु ज्या न्ह्याःगु खःसा दिपया डिजाइन नं येँ मनपां पारित यायेधुंकूगु दु। शाक्यतय् सी उइगु थ्व दिपय् सी उइगु इलय् निक्वः तक झडप जुइधुंकूगु दु। दिप लिक्क छेँ न्यानाः च्वंपिंसं थनेगु कुतः यायेवं स्थानीय मनूत, सीगुथिया मनूत जानाः प्रतिकार यानाः सी उइगु यायेमालाच्वंगु खः । आः दिपः दयेकेगु ज्या याःबलय् नं पंगः थनेगु कुतः जुइवं स्थानीय मनूत प्रतिकारय् कुहांवःगु खः ।

शुक्रवाः निथ्व दथुइ झडप जुइगु अवस्था वयेवं वडा ज्याकुथिइ सहलह यानाः सोमवाः तकया निंतिं दिप दयेकेगु ज्या दिकेगु सहमति जूगु खः ।

सम्बन्धित बुखँ

LEAVE YOUR COMMENTS