लुँ तोलां छगू लाख पुल

येँ – न्हिं थहां वनाच्वंगु लुँया भाःयात ध्यानय् तयाः नेपाल राष्ट्र बैंकं लुँ झिके यायेगु कोटा क्वपाःगु दु । उकुन्हु तक न्हिं २० किलो दुहां वयाच्वंगु लुँयात म्हिगःनिसें न्हिं १० किलोय् क्वकाःगु दु । विदेशी मुद्राया सञ्चिती म्हो जुयाच्वंगु खँ न्ह्यथँसें राष्ट्र बैंकं लुँ झिके यायेगु कोटा क्वपाःगु खः ।

लुँया भाः थहां वंगुलिं नेपाःया बजारय् लुँया खपत नं कम जुयाच्वंगु खँ व्यवसायीतय्सं धाःगु दु । भाः थहां वंगुलिं लुँ न्याइपिं म्हो जुयाः न्हिं १० निसें १५ किलो जक लुँ खपत जुयाच्वंगु खः ।

थ्वहे झ्वलय् म्हिगः हानं लुँयागु भाः थहां वनाः तोलां १ लाख १ हजार ९०० तका थ्यंगु दु । युक्रेन समस्या तच्वयाच्वंगुलिं थ्व भाः अझ थहां वनीगु अनुमान जुयाच्वंगु दु ।

नेपालभाषा टाइम्स

च्वमिया मेमेगु

• तिलौराकोटयात नं विश्व सम्पदा धलखय् दुथ्याकीगु
• किपुली बुंगद्यःया झ्वाता पलिस्था विवाद ः वार्ता यानाः हे समाधान मालीगु
• ज्वेल्स सहकारीया वृहत् स्वास्थ्य शिविर
• बजाः अनुगमनयात निरन्तरता, व्यापारीत भागाभाग
• साहित्य मन्दिरया झिंस्वक्वःगु तँमुँज्या