यल महानगरय् एन्टिजेन परीक्षण

यल- यल महानगरपालिकां नं एन्टिजेन विधिपाखें कोरोना परीक्षण शुरु याःगु दु । यल मनपां वंगु शनिवाःनिसें थुगु विधिपाखें कोरोना परीक्षण शुरु याःगु खः ।

न्हापा पीसीआर परीक्षण जक जुया वयाच्वंलिइ द्रुत परीक्षण विधिकथं एन्टिजेन विधिपाखें नं परीक्षण यायेगु याना वयाच्वंगु दु । थ्व हे वइगु असार ३ गतेतक महानगरया थीथी वडाय् एन्टिजेन विधिपाखें कोरोना परीक्षण यायेगु तयारी जुयाच्वंगु यल मनपां न्ह्यथंगु दु ।

यल महानगरया प्रवक्ता राजु महर्जनं छगू वडाय् छगू परीक्षण केन्द्र स्थापना यानाः एन्टिजेन परीक्षण यायेगु व वडाअध्यक्षलिसे समन्वय यानाः परीक्षण केन्द्र क्वःछीगु जानकारी बियादिल ।
थ्व झ्वलय् न्हापांगु न्हिकुन्हु वडा नं. ३, ४ व २० वडाय् परीक्षण याःगु खःसा म्हिगः १, २ व ३ वडाय् परीक्षण याःगु खः । थुकथं हे थौं ३, ४ व १० वडाय् परीक्षण यायेत्यंगु दुसा न्हिं स्वंगू वडाय्

परीक्षया यायेगु ल्याखं कन्हय् २१, ११ व २५, जेठ २७ गते १५, २३ व २४, जेठ २८ गते १४, २६ व २७ जेठ ३० गते ५, ६ व १२ जेट ३१ गते ७, ८ व ९ वडाय् परीक्षण यायेत्यंगु दु ।
थुकथं हे असार १ गते ११, १६ व १९ असार २ गते १३, १७ व १८ व असार ३ गते २८ व २९ निगू वडाय् परीक्षण यायेगु तालिका दयेकातःगु दु ।

सम्बन्धित बुखँ

LEAVE YOUR COMMENTS