अज्ञात नजरबन्दय् सुकी

नेपिद्व – म्यानमारया प्रजातन्त्रवादी नेतृ आङ सान सुकीयात ताःई न्ह्यःनिसें नजर बन्दय् तयातःगु दु । म्यानमार या अपदस्थ प्रजातन्त्रवादी नेतृ सुकीयात नजर बन्दय् तयातःसां वयागु अवस्था धाःसा अज्ञात जुयाच्वंगु धाःगु दु ।

म्यानमारया सैन्य सरकारं सुकीयात राजधानी नेपिद्वय् नजरबन्दय् तयातःगु धाःसां नं वास्तवय् वयात गन तयातःगु धइगु विषय रहस्य जुयाच्वंगु दु ।

सन् २०२१ य् ‘कू’ यायेवं सुकी वयां लिपा सार्वजनिक रुपं खने दयेकः वयाच्वंगु मदु । थौं कन्हय् ८१ दँय् क्यनाच्वंम्ह सुकीयात गन तयातःगु धइगु बारे सैन्य अधिकारी, राजनीतिज्ञ व राजधानीया स्थानीयतय्‌सं नं थःपिंत जानकारी मदुगु धाःगु दु ।

सैन्य शासक मिन आङ ल्हाइङं वंगु अप्रिलय् सुकीयात राजधानीया जेलं नजरबन्दय् तयागु घोषणा यासे दयाया छगू नमूनाया रुपय् प्रस्तुत याःगु खः ।