ने. सं. ११४३ चौलाथ्व सप्तमी -

स्वनिगलय् थप १७४६ म्ह संक्रमित

येँ (नेपालभाषा टाइम्स) – स्वनिगलय् शनिवाः न्हिछिया दुने १ हजार ७४६ म्ह कोरोना संक्रमितत थप जूगु दु। स्वास्थ्य तथा जनसंख्या मन्त्रालयं बिउगु जानकारी कथं शनिवाः जक येँ १ हजार ४५१, ख्वपय् १४३ व यलय् १५२ म्हेसिके कोरोना संक्रमण पुष्टि जूगु खः । शनिवाः देय्न्यंकं ३ हजार १६७ म्हेसिके कोरोना संक्रमण जूगु पुष्टि जूगु खः । अथेहे शनिवाः न्हिछिया दुने कोरोना संक्रमणया कारणं १२ म्हेसिया ज्यान वंगु खः । नेपालय् आः कोरोना संक्रमित जूपिं १ लाख २९ हजार ३०४ म्ह थ्यंगु दुसा कोरोनाया कारणं ज्यान वंपिं ७२७ म्ह थ्यंगु दु ।