म्यान्मारया दो गुणवती गुरुमां मंत
येँ – म्यान्मारया नांजाःम्ह गुरुमां दो गुणवती मंत । म्यान्मारया नागरिक खःसां वसपोल करिब स्वंगू दशक तक येँय् च्वना बिज्याःगु जुयाः नेवाः भाय् नं बांलाक सः । वसपोल श्रद्धेय धम्मवती गुरुमांया अतिकं मिले जूम्ह सहपाठी नं खः । धम्मवती गुरुमां म्यान्मारय् बुद्ध धर्मया अध्ययन क्वचायेकाः नेपाः लिहां बिज्याःबलय् गुणवती गुरुमां नं नापं बिज्याःगु खः ।
म्यान्मारय् आरामपूर्वक च्वनाबिज्याःम्ह गुणवती गुरुमांनं अबले नेपालय् तसकं दुःख बियाः धम्मावती गुरुमांयात साथ बियाबिज्याःगु खः । धम्मावती गुरुमां च्वना बिज्याइगु धर्मकीर्ति विहार निर्माण यायेगु ज्याय् नं वसपोलया तःधंगु ग्वाहालि दुगु खः ।
मदुम्ह गुणवती गुरुमांया अन्तिम संस्कार धाःसा छुं न्हि लिपा जक याइगु खँ सीदुगु दु ।
LEAVE YOUR COMMENTS