भक्तपुर चेम्बरय् न्हूगु नेतृत्व

ख्वप – भक्तपुर चेम्बर अफ कमर्सय् न्हुछेरत्न मानन्धरया नेतृत्वय् गुम्ह दुजः दुगु न्हूगु ज्यासना पुचः ल्यःगु दु । न्हूगु समितिइ कविदास धौबजि श्रेष्ठ न्वकु, सुरेन्द्र श्रेष्ठ सचिव, जगतबहादुर श्रेष्ठ कोषाध्यक्ष व दुजलय् चन्द्रभक्त श्रेष्ठ, अष्टबज्र वज्राचार्य, लक्ष्मीबहादुर श्रेष्ठ, रामगोपाल सुवाल व राध्ये सैंजु ल्यःगु खः ।

शनिवाः जूगु पदस्थापना व भिंतुना कालबिल ज्या५वलय् न्ववानादिसें नेपाल चेम्बर अफ कमर्सया कार्यवाहक अध्यक्ष राजेन्द्र मल्ल तःगु उद्योग निसें रैथाने परम्परागत पेशा–व्यवसाय यानाच्वंपिंत नं चेम्बरं ग्वाहालि याइगुख ँ कनादिल । वय्कलं ख्वपया हस्तकला, कृषि, घरेलु उद्योग लिसें थन उत्पादन जुइगु ज्वलंत राष्ट्रिय व अन्तर्राष्ट्रिय बजारीकरण यायेमाःगु खँ धयादिसें थुकी न्हूपिं पदाधिकारीपिंसं ध्यान बीमाःगु बिचाः तयादीगु खः ।

न्हूम्ह नायः मानन्धरं थःगु कार्यकालय् स्वंगू चरणय् औद्योगिक विकास, व्यवसाय प्रवद्र्धन व व्यवसायीया क्षमता विकास यायेगु प्रतिबद्धता प्वंकादीगु खः । वय्कलं व्यवसायीतय्सं थःपिनिगु व्यवसाय जक यायेगु मखुकि कर व हिसाबकिताबया ज्ञान नं अनिवार्य रुपं कयातयेमाःगु खँ धयादीगु खः ।