रेडक्रस सोसाइटीपाखें श्वेतपत्र जारी

येँ (नेपालभाषा टाइम्स) – नेपाल रेडक्रस सोसाइटीं संस्थाया समग्र अवस्थायात कयाः २२ गू बुँदाया छगू श्वेतपत्र जारी याःगु दु। रेडक्रसया केन्द्रीय ज्याकुथिइ पत्रकार सम्मेलनयासे संस्थाया अध्यक्ष डा. नेत्र तिम्सिनां उगु श्वेतपत्र सार्वजनिक यानादीगु खः ।

श्वेतपत्र सार्वजनिक यासे अध्यक्ष डा. तिम्सिनां रेडक्रसया दर्ता नवीकरण जुइ मफुगुलिं संस्थाया वैधानिकतायात हे कयाः न्ह्यसः चिं दनाच्वंगु धासें संस्था दर्तायात न्हापांगु प्राथमिकता बियागु जानकारी बियादिल । तदर्थ समितिं ज्या न्ह्याकूगु इलय् थीथी समस्यात विद्यमान जुयाच्वंगु जानकारी बियादिसें वय्कलं संस्थाया न्हूगु ज्यासना पुचः ल्ययेत निर्वाचन प्रक्रियाय् वने न्ह्यः कर चुक्ता यायेमाःगु, समाज कल्याण परिषद्या स्वीकृति कायेमाःगु, अनुमोदन व अनुगमन थेंज्याःगु कानूनी व वैधानिक ज्याखँत क्वचायेकेमाःगु दु धयादिल ।

महामन्त्री पिताम्बर अर्यालं श्वेतपत्रय् न्ह्यथनातःकथं तदर्थ समितियात बियातःगु जिम्मेवारीप्रति कार्यसमिति प्रतिवद्ध दुगु व संस्थाया निर्वाचन कोरोना भाइरसया संक्रमण व थुकिं ब्वलंकाच्वंगु जोखिमया कारणं विकसित परिस्थितिया आधारय् जक जुइगु खँ कनादिल । रेडक्रसपाखें जारी याःगु श्वेतपत्रय् तदर्थ समितिं नेपाल सरकार, जिल्ला प्रशासन ज्याकू, समाज कल्याण परिषद्, संचार ख्यः व दातृ निकायलिसें मेमेगु निकायलिसे सम्बन्ध अझ क्वातुका यंकेगु लगायतया प्रतिवद्धता २२ गू बुँदाया ९ पेज ताःहाकःगु श्वेतपत्रय् प्वंकातःगु दु ।

थुकथं हे श्वेतपत्रय् संस्थाया सांगठनिक, प्रशासनिक, आर्थिक व मेमेगु स्रोत साधनया प्रयोग, भवन, जग्गा, गोदाम नापं संस्थागत रुपय् चालु जुयाच्वंगु गतिविधिया आःया अवस्थाययात कयाः नं न्ह्यथनातःगु दु ।

सम्बन्धित बुखँ

LEAVE YOUR COMMENTS