क्षतिपूर्तिइ विभेद !

येँ – नेपाःया त्रिभुवन अन्तर्राष्ट्रिय विमानस्थलय् जूगु विमान दुर्घटनाय् लानाः मदुपिं यात्रुतय्त बीमापाखें बीगु क्षतिपूर्तिइ भेदभाव जुइगु संकेत खने दुगु खँ छगू सूत्रं धाःगु दु । उगु यूएस–बांग्ला विमान दुर्घटनाय् लानाः मदुपिं नेपाली यात्रु व बंगलादेशी यात्रुतय्त बीमापाखें वइगु ध्यबाय् यक्व हे फरक खने दइगु खँ नं सूत्रं धाःगु दु । सूत्रया कथं दुर्घटनाय् सीपिं नेपाली यात्रुयात म्हतिं २० हजार डलर व बंगलादेशी यात्रुयात धाःसा म्हतिं १ लाख ५० हजार डलर क्षतिपूर्ति बीगु खँ पिहां वयाच्वंगु दु ।
नेपालं हेग व भियना कन्भेन्सनय् हस्ताक्षर यानातःगु कारणं कम क्षतिपूर्ति बीगु व बंगलादेशं चाहिँ मोन्ट्रियल सन्धिइ हस्ताक्षर यानातःगु कारणं अप्वः क्षतिपूर्ति बीगु खँ नं सूत्रं धाःगु दु । अथे खःसां थुकिया बारे आधिकारिक जानकारी धाःसा छुं नं निकायं सार्वजनिक याःगु मदुनि ।

सम्बन्धित बुखँ

LEAVE YOUR COMMENTS