तातोपानी चायेकीगु जुल

येँ (नेपालभाषा टाइम्स) – चीन स्वाइगु तातोपानी नाका थ्वहे वइगु असोज १९ गतेनिसे चायेकीगु जूगु दु । नेपाःया सरकारी कर्मचारी व चिनियाँ कर्मचारी दथुइ जूगु सहलह लिपा नाका चायेकेगु सहमति जूगु खः ।

सिन्धुपाल्चोया सीडीओ उमेश ढकाल व चीनया ल्हासाया अधिकारी दथुइ सहलह जूगु खः । वंगु खुला न्ह्यवंनिसें नेपाःया व्यवसायीतय् सत्या स्वयां अप्वः कन्टेनर चीनय् थानाच्वंगु दुसा व्यवसायीतय्सं नाका चायेकेमाःगु माग याना वयाच्वंगु खः । व्यवसायीतय् कथं चीनया खासा, नेलम, ल्यासा व केरुङय् नेपाः वयेमाःगु निद्वः स्वयां अप्वः कन्टेनर थानाच्वंगु दु । निगू पक्ष दथुइ सहमति जूसां नं नाका सञ्चालन यायेगु निंतिं धाःसा अन ज्या याइपिं कर्मचारी व लोड अनलोड याइपिं मजदुरतय्सं स्वास्थ्य मापदण्ड पालना यायेमाः ।

सम्बन्धित बुखँ

LEAVE YOUR COMMENTS