कालिमाटीया ५२ गू स्टल खारेज

येँ – कालिमाटी तरकारी बजारया न्यय्निगू स्टल सरकारं खारेज याना बिउगु दु । अथे हे नीन्यागू स्टलयात सफाइ बीगु व सामान्य त्रुटी खनेदुगु झिंन्यागू स्टलयात खारेज मयासे थप भ्वं माग यायेगु निर्णय नं याःगु दु । थ्व स्वयां न्ह्यः नं खुगू स्टल खारेज यायेधुंकूगु दु । कालिमाटी तरकारी बजारय् म्होतिं १०–१२ द्वःनिसें २० द्वः तक स्टलया बाः क्वःछिनातःगु खःसां अप्वःस्यां ४ निसें ५ लाख तका तक कयाः मेपिंत स्टल चले याकातःगु दु ।