ख्वप जिल्लाय् भीटीएम कीट अभाव

ख्वप (नेपालभाषा टाइम्स) – ख्वप जिल्लाय् भीटीएम किटया चरम अभाव जूगु दु। कोरोना भाइरस (कोभिड-१९) संक्रमण पत्ता लगे यायेत परीक्षणया निंतिं काइगु स्वाब संकलनय् प्रयोग जुइगु किट चरम अभाव जूगु खः ।

कोरोना संक्रमण पत्ता लगे यायेत न्हाय् व कथुया पीसीआर परीक्षणया निंतिं काइगु स्वाब संकलन यायेत प्रयोग जुइगु किटया अभावलिसें कोरोना परीक्षण नं रोके यायेमालीगु स्थितिइ थ्यंगु बागमति प्रदेश अन्तर्गतया स्वास्थ्य ज्याकू ख्वपया प्रमुख कृष्णबहादुर मिजारं कनादिल । न्हिं निसःनिसें स्वसःया ल्याखय् शंकास्पद व्यक्तिया स्वाब परीक्षण याना वयाच्वंगुलिइ किट अभावया कारणं आः तसकं म्हो जक मात्राय् स्वाब संकलन यायेगु ज्या जुयाच्वंगु दु ।

प्रदेश सरकारं आवश्यक मात्राय् किट छ्वया हःगुलिं आः वयाः स्वाब संकलन यायेगु ज्या हे दिकेमालीगु अवस्था वःगु ज्याकुथिं न्ह्यथंगु दु। स्वास्थ्य ज्याकुथिं हःगु किट ख्वप अस्पताललिसें जिल्लाया मेगु छुं अस्पताल व ख्वप, सूर्यविनायक व चाँगु नारायण नगरपालिकायात नं इना बिउगु खः ।

स्वाब परीक्षणया निंतिं किट उपलब्ध याना बीत धासें प्रदेश सरकारयात तःक्वः हे इनाप याःसां छ्वया महःगुलिं अभाव जूगु स्वास्थ्य ज्याकुथिं जानकारी बिउगु दु ।