मोदनाथलिसे च्वनाः सिरपाः कायेत अस्वीकार

येँ (नेपालभाषा टाइम्स) – थःगु उपन्यास ‘हंस’ या लागि स्वंगू लाख तकाया ‘पद्मश्री पुरस्कार’ लाःम्ह डा. संजिव उप्रेतीं उगु हे संस्थापाखें प्रदान याइगु ‘पद्मश्री साधना पुरस्कार’ लाःम्ह मोदनाथ प्रश्रितलिसे नापं च्वनाः सिरपाः मकायेगु घोषणा यानादीगु दु । प्रश्रितं मय्जु शारदा भुषाल झायात यौन दुव्र्यवहार याःगु आरोप लाःगु जुयाः अज्याःम्ह मनूलिसे च्वनाः थम्हं सिरपाः मकायेगु खँ डा. उप्रेतीं कनादीगु खः । शारदा भुषालं प्रश्रितपाखें थःत जूगु यौन दुर्व्यवहारया खँ थःगु सफू ‘धरातल’ य् स्पष्ट रुपं च्वयादीगु दु । यौन दुराचारया द्वपं लाःम्ह मनूयात सिरपाः बिल धकाः आपालं मिसा अधिकारवादीतय्सं सिरपाःया ग्वसाः खलःयात नं आलोचना याना हःगु दु ।