ने. सं. ११४६ अनलाथ्व चतुर्दशी -

देय् दबूया नायः पदय् वज्राचार्यया उम्मेदवारी

येँ – नेवाः देय् दबूया आः जुइगु तःमुँज्याय् भाषासेवी पवित्र वज्राचार्यं नायः पदय् उम्मेदवारी बीगु जूगु दु । शनिवाः येँय् जूगु देय् दबूया छगू ज्याझ्वलय् न्ववासें वय्कलं थ्व घोषणा यानादीगु खः । देय् दबुली महासचिव जुयाः ज्या यानादीधुंकूम्ह भाजु वज्राचार्यं थ्व स्वयां न्ह्यः नं दबूया नायः पदय् उम्मेदवारी बियादीधुंकूगु खः । देय् दबुली ताः ई च्वनाः ज्या यानादीधुंकूम्ह भाजु वज्राचार्यं आः देय् दबूयात न्हूगु बिचाः सहित गति बीत उम्मेदवारी बीत्यनागु खँ कनादीगु दु ।