ने. सं. ११४६ बछलागा चौथी -

बलात्कारीयात फाँसीया माग

येँ (नेपालभाषा टाइम्स) – नेपाःया संविधानय् फाँसी बीगु छुं प्रावधान मदुसां म्हिगः येँय् बलात्कारीयात फाँसी हे बीमाः धइगु स्पष्ट माग यासें प्रदर्शन जुल । बझाङया १२ दँ दुम्ह दलित मिसामचा सम्झना कामीयात बलात्कार यानाः विभत्स ढंगं स्याःगु विरोधय् म्हिगः येँय् दलित आन्दोलनलिसे सम्बन्धित छगू पुचः व मेगु स्वतन्त्र पुचलं बलात्कारीयात फाँसी हे बीमाः धइगु माग यासें थ्व प्रदर्शन याःगु खः । वंगु वालय् तिनि सम्झना कामीयात बलात्कार यानाः स्यानाःलि बुँइ वांछ्वया तःगु अवस्थाय् लुइकूगु खः । दलित जूगुलिं पीडितयात वेवास्ता यासें मुद्दा कमजोर याइ धकाः थुकियात कयाः थाय्थासय् प्रदर्शन जुयाच्वंगु दु ।