मन्त्री श्रेष्ठ धर्मकीर्ति विहारय्

येँ (नेपालभाषा टाइम्स) – नवनियुक्त शहरी विकास मन्त्री कृष्णगोपाल श्रेष्ठ वंगु शनिवाः थनया सीघलय् च्वंगु धर्मकीर्ति विहारय् झायाः विहारया प्रमुख अनागारिका धम्मावती गुरुमांपाखें आशिर्वाद कयादीगु दु ।

उगु इलय् विहार प्रमुख शासनधज धम्माचरिय अनागारिका धम्मावती गुरुमांपाखें मन्त्री श्रेष्ठया आयु आरोग्य व सुस्वास्थ्यलिसें सफल कार्यकालया कामना याना बिज्याःगु खः । लिसें वसपोलं कुशल कर्म यानाः देय्या भिं जुइगु ज्या याये फयेमा धइगु नं सुवा बियाबिज्यासें लुम्बिनी अंकित धर्मोपहार नं लःल्हना बिज्याःगु खः । मन्त्री श्रेष्ठं गुरुमांपाखें आशिर्वाद ग्रहण यानादिसें श्रद्धेय धम्मावती गुरुमांनं न्हापांनिसें थः मन्त्री जूगु स्वये दयेमा धइगु आशिका यानाः सुवाः बियाबिज्याःगुलिं हे थः मन्त्री जुइत ताःलाःगु धासें वसपोलप्रति थः कृतज्ञ जुयागु खँ कनादीगु खः ।