ससफो सांसदतय्त ख्यें सगं

येँ – संघीय समाजवादी फोरमपाखें निर्वाचित जूपिं सकलें सांसदपिंत म्हिगः येँय् नेवाः परम्परा कथं ख्यें व धौ सगं बियाः भिंतुना बीगु ज्या जुल । ससफो नेवाः प्रदेश समितिया ग्वसालय् जूगु उगु ज्याझ्वलय् प्रतिनिधिसभाय् प्रत्यक्ष व समानुपातिकपाखें त्याःपिं लिसें राष्ट्रिय सभाया समेत यानाः मुक्कं १८ म्ह सांसदपिंत बधाई व भिंतुना बीगु ज्या जूगु खः ।

नेवाः प्रदेश समितिया नायः न्हुच्छेलाल महर्जनया सभापतित्वय् जूगु उगु ज्याझ्वलय् येँ जिल्ला समितिया नायः मनरत्न शाक्य, नेवाः प्रदेश समितिया इन्चार्ज केबी घजुपिंसं लसकुस यानादीगु खः । संघीय समाजवादी नेवाः संघया नायः सत्यनारायण महर्जनं सकसितं सुभाय् बियादीगु खः ।

ज्याझ्वलय् ससफोया केन्द्रीय अध्यक्ष उपेन्द्र यादव मूपाहां कथं झाःगु खः अध्यक्ष यादव लिसें सहअध्यक्ष राजेन्द्र श्रेष्ठ, उपाध्यक्ष रेणु यादव व सचिव पुरूषोतम बस्नेतपिंसं नुगःखँ प्वंकादीगु खः । उगु हे ज्याझ्वलय् २१ म्ह कार्यकर्ता पार्टी प्रवेश नं जूगु खः ।

सम्बन्धित बुखँ

LEAVE YOUR COMMENTS