आः अनलाइनं कर पुले

येँ (नेपालभाषा टाइम्स) – येँ महानगरपालिकां आः अनलाइनं कर म्हयेगु प्रणाली शुरु याःगु दु । म्हिगः वडा नं. २६ य् थुकिया न्हापांगु प्रयोग यासें विद्युतीय कर प्रणालीया उलेज्या जूगु खः । आःयात वडा २६ लगायत वडा नं. १, २, ३, ४, १०, १५, ३० व ३१ य् थ्व सेवा लागू जुइ । निवाः लिपा फुक्कं वडाय् लागू जुइगु खँ धाःगु दु ।

विद्युत कर प्रणालीया उलेज्या यासें येँ मनपाया प्रमुख प्रशासकीय अधिकृत एकनारायण अर्यालं थ्व प्रणालीं राजश्व प्रशासनय् करदाताया विश्वास अप्वइगु व विश्वास अप्वल धाःसा कर अप्वः म्हये फइगु बिचाः तयादिल । २६ वडाया अध्यक्ष ख्यामराज तिवारीं येँ देय्यात स्मार्ट सिटी दयेकेगु ज्याया हे थ्व छपलाः खः धयादिल ।