म्हिगः स्वनिगलय् ५१२ म्ह थप

येँ (नेपालभाषा टाइम्स) – स्वनिगलय् म्हिगः नं न्यासलं मल्याक कोरोना संक्रमितत लूगु दु। म्हिगः न्हिछिया दुने स्वनिगलय् जक ५१२ म्ह संक्रमित लुइकूगु खः । थुकी मध्ये ४४० म्ह येँ, ख्वपय् ४३ म्ह व यलय् २९ म्ह लाःगु दु ।

म्हिगः न्हिछिया दुने देय्न्यंकं ११७० म्हेसित कोरोना संक्रमण जूगु पुष्टि जूगु खः । स्वास्थ्य तथा जनसंख्या मन्त्रालयं म्हिगः जक कोरोना पाखें १५ म्हेसिया ज्यान वंगु खँ नं धाःगु दु। म्हिगः तकया दुने नेपालय् कोरोना संक्रमिततय् ल्याः ५५ हजार स्वयां अप्वःगु दु। नेपालय् दकलय् संक्रमितत अप्वः प्रदेश नं. २ व बागमति प्रदेश खनेदुगु दु ।

संक्रमित जूपिं मध्ये गम्भीर समस्या खनेदुपिं १७९ म्हेसित आइसियु व २९ म्हेसित भेन्टिलेटरय् तयाः उपचार यायेमाःगु खँ धाःगु दु। म्हिगः सीपिं झिंन्याम्ह मध्ये छम्ह सहित च्याम्ह ला येँयापिं हे लाःगु दु ।