१ गते दिपावली !

येँ (नेपालभाषा टाइम्स) – स्वास्थ्य तथा जनसंख्या मन्त्रालयं कोरोना संक्रमित जूपिनिगु मनोबल थकायेतअसोज १ गते बहनी ८ बजे थःथःगु छेँय् मत च्याकेत इनाप याःगु दु। स्वास्थ्य सेवा विभागया उपचार सेवा महाशाखा प्रमुख डा. तारानाथ पोखरेलया कथं स्वास्थ्यकर्मीया सम्मान व संक्रमितया मनोबल थकायेत छेँय् छेँय् मत च्याकेत सर्वसाधारण जनतायात इनाप याःगु खः । ‘विश्व विरामी सुरक्षा दिवसुया झ्वलय् मन्त्रालयं मत च्याकेत इनाप याःगु खँ डा. पोखरेलं धयादीगु दु। लिसें उगु हे इलय् कोरोना भाइरसया संक्रमणं मदुपिंत लुमंकुसें छगू मिनेट मौनधारण यायेत नं मन्त्रालयं इनाप याःगु दु। उकथं हे असोज ७ गते फुक्कं स्वास्थ्यकर्मीया सम्मानय् माइतीघर मण्डलाय् मत च्याकेगु तयारी मन्त्रालयं याःगु दु ।