इतुंबहालय् निःशुल्क सुगर परीक्षण, मखनय् सुचुकुचु
येँ – येँ महानगरपालिका २४ वडाया ग्वसालय् शनिवाः इतुम्बहालय् निःशुल्क सुगर टेस्ट जूगु दु । लिधंसा मिसा पुचःया व्यवस्थापनय् जूगु ज्याझ्वलय् सछिम्हं मल्याकसिनं निःशुल्क सुगर टेस्ट याकूगु खः । ज्याझ्वलय् तिलगंगा आँखा केन्द्र पाखें डाइबिटिज जूपिंत जक निःशुल्क मिखा परिक्षण याःगु खः । अथेहे डाइबिटिज जूपिंत तुतिया निःशुल्क परीक्षण नं याःगु खः ।
अथेहे मखंत्वाः मिसा पुचःपाखें मखंया थीथी थासय् सुचुकुचु ज्याझ्वः याःगु दु । मखंया सुरज आर्केड निसें शाक्यमुनि गल्ली, मखंबहाः तक सुचुकुच ज्याझ्वः याःगु खः । ज्याझ्वलय् पुचःया नकिं रमिता वज्राचार्य, न्वकु सबिना तुलाधर, सचिव लजुना वज्राचार्य लिसें पुचःया दुजः व त्वाःवासीपिनि सहभागिता दुगु खः ।
LEAVE YOUR COMMENTS