किपूया बाघभैरव जात्रा नं स्थगित

किपू (नेपालभाषाटाइम्स) – दँय्दसं भाद्र १ गते न्यायेकीगु थनया बाघभैरव जात्रा थुगुसी कोरोना संक्रमणया कारणं स्थगित जुल । खुगू दशकं मल्याक पुलांगु थनया बाघभैरव जात्रा स्थगित जूगु थ्व न्हापांखुसी खः ।

बाघभैरव जात्रा व्यवस्थापन समितिं छगू सार्वजनिक सुचं हे जारी यासें थुगुसी जात्रा स्थगित यानागु जानकारी बिउगु खः । ६४ दँ न्ह्यवंनिसें न्ह्यानाच्वंगु जात्रा स्थगित जूसां सम्बन्धित मनूत जक च्वनाः पुजापाठलिसें माःगु विधि जक पूवंकेगु ज्या जूगु खः ।

किपूया बाघभैरवया जात्रा नेपाल संवत् १०७६ (विसं. २०१३)निसें जक न्ह्याःगु स्थानीयवासीतय्सं धाःगु दु। सांस्कृतिक बाजंलिसें किपू नगर परिक्रमण यानाः दँय्दसं भाद्र १ गते बाघभैरव जात्रा यायेगु याना वयाच्वंगु खः । बाघभैरवया किपूमितय्सं थः पुर्खाया प्रतीक रुपय् आजुद्यःकथं माने यायेगु याना वयाच्वंगु दु ।