थुगुसी छुस्याबहालय् वयाः पञ्जरां ब्यू वयेत इनाप

येँ– थुगुसी पञ्जरां कुन्हु येँया छुस्या बहाः (गुणाकर महाविहार) दुने जक मंकाः कथं पञ्चदान काइगु जूगु दु । सामूहिक पञ्चदान कार्यक्रम मूल समिति २०७७ पाखें छगू वक्तव्य पितबिसें आःयागु परिस्थितियात बिचाः यानाः समितिया ज्याकू दुगु विहार छुस्या बहाः ज्याथाय् च्वनाः सामाजिक दूरी व आवश्यक सुरक्षा विधि कःघानाः सुथसिया ९ ता निसें न्हिनसिया १२ तका तक गुरु वज्राचार्य, गुरुमां, शाक्यभिक्षुपिं च्वनाः पञ्जरां कायेगु निर्णय जूगुलिं इच्छा दुपिं सकल दातापिं छुस्याबहालय् वयाः पञ्जरां बिइत इनाप याःगु दु ।

अथेहे थन मवसे थःगु हे विहारय् च्वनाः पञ्जरां बीगु मनसुवा दुपिंसं न्हापा हे सुचं बिल धाःसा संस्थाया छुं प्रतिनिधिपिं अन हे वनाः पञ्जरां दान काःवनेगु खँ नं वक्तव्यय् धयातःगु दु । दान बीबलय् एकमुष्ट रुपं नगद दान ब्यूपिनि नामं संस्थाया रसिद नं बीगु खँ वक्तव्यय् धयातःगु दु ।
समितिया संयोजक राजगुरुजु मञ्जुश्रीरत्न वज्राचार्यं पितबिउगु वक्तव्यय् पञ्चदानया इलय् आम्दानी जूगु फुक्कं लुम्बिनीइ नेपाःया मौलिक संस्कृति व कलां जाःगु नेपाल वज्रयान महाविहार दयेकेत समर्पण यायेगु खँ नं न्ह्यथनातःगु दु ।

नेपाल परम्परागत बौद्ध धर्म संघया गुरुवर डा. नरेशमान वज्राचार्यया मार्गनिर्देशन कथं संघया न्हापांम्ह उपाध्यक्ष मञ्जुश्री रत्न वज्राचार्यया संयोजकत्वय् थुगुसीया निंतिं सामूहिक पञ्चदान कार्यक्रम मूल समिति २०७७ नीस्वंगु खः ।

सम्बन्धित बुखँ

LEAVE YOUR COMMENTS