पशुपतिइ नागा बाबा चीकेत दबाब

येँ – पशुपति देगः लागाय् च्वनाच्वंपिं नागा बाबा चीकेत दबाब वःगु खँ सीदुगु दु । विशेष यानाः सिलाचः¥हेकुन्हु पशुपति क्षेत्रय् आपालं नागा बाबात च्वं वयेगु याइ गुकिं यानाः पशुपति दर्शन याः वइपिं मिसापिंत समस्या जुइगु खँ धाःगु दु । नांगां च्वनीपिं थ्व बाबातय्सं म्हय्खाया पां भक्तजनतय्त कयेकेगु ज्या याइगु जुयाः उमित अज्याःगु ज्या मयाकेत नं माग याःगु दु ।

अन दर्शनया निंतिं वनीपिंत छुं मयाकेत व नागा बाबाया जिम्मा पशुपति विकास कोषं कायेमाःगु माग भक्तजनतय्सं याःगु दु । पशुपति विकास कोषया संस्कृति महाशाखाया प्रमुख व शिवरात्री प्रचारप्रसार उपसमितिया सचिव प्रेमहरी ढुंगानां नागा बाबातय्त थ्व मामिलाय् सतर्क जुइत इनाप यायेगु खँ कनादीगु दु ।

लिसें सिलाचः¥हे कुन्हु अन गजि, भांग, चरेस थेंज्याःगु लागू पदार्थ सेवन थेंज्याःगु गतिविधि नियन्त्रण यायेगु खँ नं कोषं धाःगु
दु । सिलाचः¥हे थ्वहे वइगु फागुन २० गते लाः ।

खुया यंकूम्ह द्यः लुल
येँया पशुपति लिक्कसं च्वंगु हंसमण्डपं खुया यंकूगु बाबा गोरखनाथया द्यः लूगु दु । उगु द्यः सशस्त्र प्रहरीं लुइकूगु खः ।पशुपतिइ च्वंगु नेपाल मन्दिर सुरक्षा वेशया सशस्त्र प्रहरी नायब निरीक्षक दधिराम पौडेलया नेतृत्वय् वंगु पुचलं पशुपति देगः स्वयां ३०० मिटर उत्तरपाखे च्वंगु जंगलय् उगु द्यः लुइकूगु खः ।

गस्तिइ वनाच्वंगु सशस्त्र प्रहरी पुचलं अन च्वंगु छमा सिमा क्वय् सुचुकातःगु अवस्थाय् उगु द्यः लुइकूगु खः । गस्तिइ वनाच्वंपिं प्रहरीतय्सं निम्ह मनूयात खनेवं उपिं द्यः त्वःताः बिसिउँ वंगु खः । सशस्त्र प्रहरीं स्थानीय प्रहरीयात उम्ह द्यः लःल्हाःगु दु ।