किपुली निथासं कांग्रेस, येँय् रास्वपा

येँ (नेपालभाषा टाइम्स)- स्थानीय तह उपनिर्वाचन अन्तर्गत येँ जिल्लाय् जूगु उपनिर्वाचनय् वडाअध्यक्षय् निगुलि नेपाली कांग्रेस त्याःगु दुसा छगुलि राष्ट्रिय स्वतन्त्र पार्टी त्याःगु दु । अथेहे किपू नगरपालिकाया मेयरय् धाःसा मतगणना जुयाच्वंगु दु ।

आइतवाः जूगु निर्वाचनय् येँ महानगरपालिका १६ वडाय् रास्वपाया रोजिना श्रेष्ठ त्याःगु खःसा किपु नगरपालिका वडा नं. १ य् कांग्रेसया इच्छा महर्जन व वडा नं. ४ य् राजेन्द्र बानियाँ त्याःगु खः । १६ वडाय् रास्वपाया श्रेष्ठं २९०२ मत हःगु खःसा वय्कःया निकतम प्रतिद्वन्द्वी एमालेया लक्ष्मीरत्न तुलाधरं २२२० मत हःगु खः ।

अथेहे किपू १ नं. वडाय् इच्छा महर्जनं ५६२ मत हःगु खःसा वय्कःया निकटम प्रतिद्वन्द्वी एमालेया हर्ष महर्जन ४९८ मत हःगु खः । किपू ४ नं. वडाय् कांग्रेसया राजेन्द्र बानियाँ ११५५ मत हःगु खःसा वय्कःया निकटम प्रतिद्वन्द्वी स्वतन्त्रं उम्मेदवारी बिउम्ह पविता खड्का ८०६मत हःगु खः ।