सिलाचःह्रे कुन्हु पशुपतिया पास मबीगु

येँ (नेपालभाषा टाइम्स)÷कन्हय् सिलाचःह्रे कुन्हु पशुपतिइ वइपिं विशिष्ट व्यक्तियात नं पासया व्यवस्था मयाइगु जूगु दु । पासया कारणं सर्वसाधारणयात समस्या जुइगु जुयाः पासया व्यवस्था चीकेगु खँ पशुपति विकास कोषं धाःगु दु ।

लिसें थुगु दँनिसें पशुपति लागाय् जाम मजुइगु कथं व्यवस्था यायेत्यंगु खँ नं कोषं धाःगु दु । थुगुसी पशुपति लागा जुयाः चले जुइगु यात्रुवाहक गाडीयात नं पंगः थनेगु ज्या मजुइगु खँ धाःगु दु । उगु लागाय् गाडी चले जूसां पार्किङ धाःसा याये मदइगु व्यवस्था जूगु दु । न्हापा न्हापा गाडी चले मजूगुलिं आपालं भक्तजनत तापाकंनिसें न्यासि वयेमाःगु खः । थुगुसी सोमवाः सिलाचः¥हे लाःगुलिं भक्तजनत नं न्हापा स्वयां अप्वइगु अनुमान कोषं याःगु दु । थुगुसी भारतीय भक्तजनत नं अप्वः वयेत्यंगु दु ।