ने. सं. ११४४ चौलागा अष्टमी -

घरधनी सरोकार मञ्चया शपथ

येँ (नेपालभाषा टाइम्स) – उपत्यका घरधनी सरोकार मञ्चं म्हिगः येँया हनुमानध्वाखाय् च्वंगु कालभैरव द्यःया न्ह्यःने सपथ काःगु दु। सरोकार मञ्चया कानुनी सल्लाहकार जितेन्द्र वज्राचार्यं मञ्चया अध्यक्ष इन्द्रप्रसाद श्रेष्ठयात न्हापां शपथ नकूगु खः । वयां लिपा अध्यक्ष श्रेष्ठं अन दुथ्याःपिं न्यय्म्ह स्वयां अप्वः दुजःपिंत शपथ नकूगु खः । शपथ नके न्ह्यः नेवाः परम्परा कथं सिन्हः तिकेगु व ह्याउँगु कोखा नं क्वखायेकेगु ज्या जूगु खः ।