आशिष्माया इहिपा जुल

येँ – लोकंह्वाःगु अभिनेत्री आशिष्मा नकःमिया इहिपा जूगु दु । अमेरिकाय् च्वना वयाच्वंपिं नवीन चन्द्र प्रधान लिसे वय्कःया इहिपा जूगु खः । इहिपा भ्वय् थौं कालिमाति ब्यांक्वेट जुयाच्वंगु दु ।

नेपालभाषाया तःगू फिल्मय् म्हितेधुंकूम्ह आशिष्मा थौंकन्हय् खस नेपाली भाय्या फिल्मय् नं व्यस्त जुयाच्वंम्ह खः । आशिष्मां थौंकन्हय् नेपालभाषाया फिल्म ‘लाखे भाजु’ दयेकाच्वंगु दु ।

आशिष्माया भाःत नवीन थौंकन्हय् अमेरिकाय् च्वना वयाच्वंम्ह खःसा अन हे चार्टड एकाउन्टेन्ट जुयाच्वनादीम्ह खः । वय्कःया छेँ नेपालय् न्हू वानेश्वरय् खः ।
इहिपा लिपा आशिष्मा नं अमेरिकाय् हे च्वंवनीगु खःला धयागु खँय् वय्कलं न्हापां ‘लाखेभाजु’ फिल्म निं दयेके क्वचायेकेगु व वयां लिपा जक अमेरिका वनेगु बारे बिचाः यायेगु खँ धयादीगु दु ।