विश्वन्यंकं कोरोना संक्रमण १ करोड ६४ लाख थ्यन

एजेन्सी – विश्वय् कोरोना भाइरस संक्रमण जूपिनि ल्याः सोमवाः तकया दुने १ करोड ६४ लाख ३२ हजार ११० म्ह थ्यंगु दु। कोरोना भाइरस संक्रमणया कारणं विश्वन्यंकं ६ लाख ५२ हजार ४३७ म्हेसिया ज्यान वनेधुंकूगु खँ विश्व स्वास्थ्य संगठन (डब्ल्यूएचओं) धाःगु दु ।

संक्रमितत मध्ये आःतक ५७ लाख २१ हजार ८४४ म्हेसिया उपचार जुयाच्वंगु दु। ल्यं दुपिं मेपिं संक्रमण मुक्त जुइधुंकूगु खँ डब्ल्यूएचओं धाःगु दु। आः उपचार जुयाच्वंपिं मध्ये ६६ हजार २२ ९ म्हेसिया अवस्था अझं गम्भीर दनिगु जानकारी नं बिउगु दु। कोरोना भाइरसं दकलय् प्रभावित देशय् अझ नं अमेरिका हे न्ह्यःने लानाच्वंगु दु। अमेरिकाय् जक ४३ लाख ७१ हजार ८३९ म्हेसित संक्रमण जुइधुंकूगु दुसा थन १ लाख ४९ हजार ८४९ म्हेसिया ज्यान वनेधुंकूगु दु। अथेहे दक्षिण अमेरिकाय् ३७ लाख ४२ हजार ३६६ म्हेसित कोरोना संक्रमण खनेदुगु दुसा थन १ लाख ३४ हजार २५६ म्हेसिया ज्यान वंगु दु। उत्तर अमेरिकाय् ५१ लाख २९ हजार ९०६ म्हेसिके संक्रमण खनेदुगु दुसा थन २ लाख ८ हजार ५९६ म्हेसिया ज्यान वंगु दु ।

अथेहे युरोपय् २७ लाख ८४ हजार ८४२ म्हेसिके संक्रमण खनेदुगु दुसा २ लाख १ हजार ५३२ म्हेसिया मृत्यु जूगु दु। एसियाय् ३९ लाख ५ हजार ४३९ म्हेसिके कोरोना संक्रमण खनेदुगु दुसा थन ८७ हजार ४६५ म्हेसिया ज्यान वंगु दु। अथेहे अफ्रिकाय् ८ लाख ५० हजार ६२८ म्हेसिके संक्रमण खनेदुगु दुसा थन १७ हजार ८०८ म्हेसिया ज्यान वंगु दु । ओसियानाय् १६ हजार ६६४ म्हेसिके संक्रमण खनेदुगु दुसा १८३ म्हेसिया ज्यान वंगु दु ।

भारतय् छन्हुं हे ५० हजारयात संक्रमण
भारतय म्हिगः न्हिछिया दुने थ्यंमथ्यं ५० हजारम्हेसित संक्रमण जूगु दु। भारतया स्वास्थ्य मन्त्रालयं बिउगु तथ्यांक कथं आइतवाः न्हिनय् निसें सोमवाः निन्हय्तकया २४ घन्टाया दुने ४९ हजार ९३१ म्हेसिके संक्रमण पुष्टि जूगु खः ।

थुकिया लिसें भारतय् कोरोना संक्रमितत ल्याः १४ लाख ३५ हजार ४५३ म्ह थ्यंगु दु। अथेहे थ्व २४ घन्टा दुने भारतय् कोरोनां ७०८ म्ह सीगु दु।  थुकिया लिसें थन कोरोनां सीपिनि ल्याः ३२ हजार ७७१ म्ह थ्यंगु दु ।

भारतय् न्हियान्हिथं कोरोना संक्रमण अप्वया वनाच्वंगु दु। थुकिया लिसें नेपालय् नं खतरा अप्वया वःगु दु। सीमा बन्द धाःसां अझ नं भारतं नेपाः  दुहां वयेगु हे जुयाच्वंगुलिं सीमा लिक्क लाःगु शहर जक मखु स्वनिगः तकं खतराय् लानाच्वंगु दु। म्हीग येँ असं-महाबौद्धपाखे च्वनाच्वंपिं कोरोना संक्रमितत नं भारतं हे दुहां वःपिं खः ।

सम्बन्धित बुखँ

LEAVE YOUR COMMENTS