अन्तर्राष्ट्रिय विमानस्थलय् जहाज दुर्घटना, न्हय्म्हेसिया उद्धार

त्रिभुवन अन्तर्राष्ट्रिय विमानस्थलय् विमान अवतरण यायेगु झ्वलय् छगः विमान दुर्घटना जूगु दु । विमान अवतरण यायेगु झ्वलय् नियन्त्रणं पिहां वनाः दुर्घटना जूगु सीदुगु दु ।
बंगलादेशं नेपाः वयाच्वंगु युएस बंगलाया जहाज दुर्घटनाय् लाःगु खः । दुर्घटनाग्रस्त विमानय् मिं नयाः कुहां पिहा वयाच्वंगु दुसा मि नियन्त्रणय् कायेगु कुतः जुयाच्वंगु दु । मि स्याये फयाच्वंगु मदु ।
विमानय् यात्रा यानाच्वंपिं मध्ये न्हय्म्हेसिया उद्दार याःगु दु । उद्धार याःपिंत अस्पतालय् यंकूगु दुसा विमानय् ग्वःम्ह यात्रु दु धइगु बारे छुं यकीन जूगु मदुनिसा उद्धारया ज्या जारी जुयाच्वंगु दु ।
विमान दुर्घटना जुइवं आः उडान व अवतरण बन्द यानातःगु दु । दुर्घटनाया विस्तृत विवरण वःगु मदुनि ।