ने. सं. ११४६ चाैलागा आमै - माँया ख्वाःस्वयेगु

कोरोना परीक्षण याःगु अस्पताल बारे छानबिन

येँ (नेपालभाषा टाइम्स) – स्वनिगःया निजी अस्पतालं स्वीकृति मकासे कोरोना भाइरसया परीक्षण याःगु विषय बारे स्वास्थ्य तथा जनसंख्या मन्त्रालयं छानबिन याइगु जूगु दु। मन्त्रालयं येँया ग्राण्डी, ह्याम्स व नेपाल मेडिकल कजेजं सरकारी निर्देशिका अःखः स्वाब संकलन यासें लाक्वपाक्व ध्यबा कयाः परीक्षण यानाच्वंगु खँयात कयाः छानबिन यायेत्यंगु खः । मन्त्रालयया गुणस्तर मापन तथा अनुगमन महाशाखां मन्त्रालयया वरिष्ठ औषधि व्यवस्थापक पानबहादुर क्षेत्रीया संयोजकत्वय् वंगु असार २८ गते छानबिन समिति गठन याःगु खः ।

आइतवाः जक स्टार अस्पताल व काठमाडौं मेडिकल कलेजं स्वाब संकलन यानाः परीक्षण यायेगु अनुमति काःगु खः । अनुमति काःगु अस्पतालं सरकारं ५५०० तका जक काये फइगु व्यवस्था दु ।