तुकुचा खुसिया लागिं २० करोड

येँ (नेपालभाषा टाइम्स) – थनया तुकुचा खुसि अतिक्रमण यानाः दयेकातःगु संरचना चीकाः व्यवस्थित लँ दयेकेगु खँ शहरी विकास राज्यमन्त्री रामवीर मानन्धरं धयादीगु दु ।

म्हिगः तुकुचा खुसि निरीक्षणया निंतिं झाःम्ह राज्यमन्त्री मानन्धरं टेकुइ ट्रिटमेन्ट प्लान्ट दयेकेगु व तुकुचाया ६ किलोमिटर क्षेत्रयात सुन्दर व प्राकृतिक बहावय् हयेगु निंतिं थुगु दँय् २० करोड तका खर्च यायेगु खँ धयादीगु दु । वय्कलं वइगु दँय् तुकुचा खुसिया रूप हिलीगु खँ धासें स्वनिगःयात व्यवस्थित व सुन्दर दयेकेत सरकारं दीर्घकालीन योजना सहित ज्या यानाच्वंगु खँ धयादीगु दु ।

तुकुचा खुसिया छुं ब्व नारायणहिति राजदरवार व जयनेपाल हल जुयाः वनाच्वंगु दु । तुकुचा खुसिया द्यःने आपालं छेँ दना तयेधुंकूगु दु। नारायणहिति दरवार दुनेंनिसें बाः वनाच्वंगु तुकुचा प्रज्ञा प्रतिष्ठान थ्यंकाः जक खनेदु । खुसि विस्तार व सौन्दर्यकरण यायेगु झ्वलय् खुसि अतिक्रमण यानाः च्वनाच्वंपिं आपालं मनूत विस्थापित जुइ फइगु अनुमान दु ।

सम्बन्धित बुखँ

LEAVE YOUR COMMENTS