प्रभात माविया ६५ क्वःगु जन्मजयन्ती

येँ –  थनया नःघलय् च्वंगु प्रभात माध्यमिक विद्यालयया ६५ क्वःगु जन्मजयन्तीलिसें सम्मान, पुरस्कार व छात्रवृत्ति लःल्हायेगु ज्याझ्वः जुल । येँ महानगरपालिकाया प्रमुख विद्यासुन्दर शाक्यया प्रमुख आतिथ्यताय् उगु ज्याझ्वः जूगु खः ।

ज्याझ्वलय् विद्यालयया पुलांम्ह विद्यार्थी, २०६३ सालया एसएलसीइ सर्वोकृष्ट श्रेणीइ उत्तीर्ण जुयादीम्ह नापं नासाय् तारामण्डलया अध्ययन यानादीम्ह न्हापांम्ह मिसा, मिसा पत्रकारया नेतृत्व यासें सगरमाथा आरोहण यानादीम्ह व मदन पुरस्कार प्राप्त कृति ‘जीवन काँडा कि पूmल’ संकिपाया नायकयात हनेज्या याःगु खः ।

ज्याझ्वलय् सगरमाथा आरोही रोजिता बुद्धाचार्यलिसें आरोहीपिं फुर्वा तेन्जिङ शेर्पा, रोसा बस्नेत व देउराली चाम्लिङ राईयात हनेज्या याःगु खः ।अथे हे विद्यालयया शिक्षक रामदिरा शाक्य व छत्रदेव पण्डित, कार्यालय सहायक शम्भु पुडासैनी, सुशीला मिश्र व रम्भा अधिकारीलिसें ‘स्टुडेन्टस् अफ द इयर–२०७५’पाखें सुथसिया सत्रया संगीता प्रधान व विशाल अधिकारी व न्हिनसिया सत्रया शिखर दयाल व चन्द्रकला साहनीयात सम्मान याःगु खः ।

विद्यालयया जन्म जयन्तीया लसताय् जूगु ज्याझ्वलय् ओम साई छात्रवृत्ति, दानरत्न कंसाकार छात्रवृत्ति, कमला छात्रवृत्ति, २०३२ सालया विद्यार्थी समूह छात्रवृत्ति, स्व. गोविन्दबहादुर स्मृत छात्रवृत्ति, एमके छात्रवृत्ति लगायत थीथी छात्रवृत्ति नं लःल्हाःगु खः ।

सम्बन्धित बुखँ

LEAVE YOUR COMMENTS