ने. सं. ११४६ बछलाथ्व चौथी - बुंगद्यः सालिगु

रियलया प्रभावशाली जित

म्याड्रिड (एजेन्सी) – रियल म्याड्रिडं स्पेनी ला लिगाय् आइतवा: बहनि आइबरयात अपुक ३-१ बुकल । थ्व कासा त्यायेवं रियलं न्हापांगु थासय् लानाच्वंगु बार्सिलोनानापया दूरी हाकनं निगूगु ल्याखय् ह:गु दु । रियलया थ्व प्रभाविशाली जितय् टोनी क्रुसं न्हापांगु गोल या:गु ख: । अनलिं सर्जियो रामोस व मार्सेलों गोल या:गु ख: । आइबरपाखें पेड्रो बिगासं छगू गोल यात । आइतवा:या हे मेगु निगू कासाय् एथलेटिको बिलबाओ व एटलेटिको म्याड्रिड, रियल सोसिडाड व ओसासुनां समान १–१ या बराबरी म्हितूगु ख: ।