स्वयेबहपिं कासामि (हकिम जिच व सरदार अजमुन)

हकिम जिच, मिडफिल्डर, अजाक्स

डच क्लब अजाक्सपाखें म्हितीम्ह हकिम जिच एट्याकिङ मिडफिल्डर खः । सन् २०१५य् मोरक्कोया टिमय् डेब्यु याःम्ह २४ दँया जिचं न्हापां धाःसा नेडरल्यान्डया कासामि खः । वं नेडरल्यान्डया निंतिं यु १९ निसें यु २१ तक म्हितल । जिचयात दकलय् न्हापां नेडरल्यान्डं हे सिनियर टिमय् म्हितकूगु खःसा जिच धाःसा मोरक्को पाखें म्हितेगु निर्णय याःगु खः ।
नेडरल्यान्डया पुलांम्ह कासामि मार्को भान जिचं थ्व गलत निर्णय धाःसां जिचया म्हगस धाःसा मोरक्को पाखें म्हितेगु हे जुयाच्वन । न्ह्यइपुगु छता खँ छु धाःसा थुगुसीया विश्वकपय् नेडरल्यान्ड छनोट जुइमफुतसा मोरक्को छनोट जुल । अले हकिम जिचं थःगु न्हापांगु विश्वकप म्हितेखन ।

सरदार अजमुन, फरवार्ड, इरान

रसियन क्लब रुबिन कजानया फरव ार्ड सरदार अजमुन सन् २०१४ य् इरानया निंतिं डेब्यु याःगु खः । इरानियन मेसी धकाः नांजाःम्ह सरदार अजमुन नं इरानया लागि आतक ३३ गू कासा म्हिाः २३ गू गोल यायेधुंकूगु दु । २३ दँ दुम्ह अजमुन इरानया निंतिं यक्व गोल याःपिं मध्ये छम्ह खः । ब्राजिलय् जूगु विश्वकपय् म्हितेमखंसां इरानयात जारी विश्वकपय् थ्यंके धाःसा अजमुनं महत्वपूर्ण भूमिका म्हितल । व याकचां हे विश्वकप छनोट चरणय् इरानया निंतिं ११ गोल याःगु खः । अजमुनयात बांलाःगु प्रदर्शनं यानाः युरोपिनय क्लबं मिखा तयाच्वंगु दु ।

सम्बन्धित बुखँ

LEAVE YOUR COMMENTS