कुटनीतिक राहदानी दुपिं इजरायलय् भिसा मकासे वनेदइगु

येँ – नेपाःया कुटनीतिक राहदानी दुपिं आवंलि भिसा मदुसां इजरायल वनेफइगु जूगु दु । अथेहे इजरायलया कुटनीतिक राहदानी दुपिं नं नेपाः वयेत भिसा कायेम्वाःलीगु जूगु दु । नेपाः सरकार व इजरायल दथुइ म्हिगः जूगु छगू सम्झौता कथं आवंलि नेपाः व इजरायलया कुटनीतिक राहदानी दुपिं भिसा मकासे ९० न्हु तक मेगु देशय् वने दइगु जूगु खः ।

म्हिगः इजरायलया परराष्ट्रय् मन्त्रालय जूगु छगू ज्याझ्वःया नेपाःया निंतिं इजरायली राजदूत डा. अन्जान शाक्य व इजरायलया परराष्ट्र मन्त्री गाबी अश्केनाजीं थ्व सम्झौताय् हस्ताक्षर यानादीगु खः ।

ज्याझ्वलय् न्ववानादिसें राजदूत शाक्यं लर्न एड अर्न प्रोजेक्ट मार्फत इजरायल वयाच्वंपिं नेपाःमि विद्यार्थीपिनि तालिम अवधी ११ महिना थप यायेदुसा उपिं विज्ञया रुपय् वयेफइगु सुझाव बियादीगु खः । अथेहे केयरगिभिङ ख्यलय् नेपाःमितय्त हाकनं हयेगु व रोजगारीया मेमेगु क्षेत्रय् नं लुखा चायेका वनेगु निंतिं निगू पक्ष दथुइ खँल्हाबल्हा जूगु खँ धाःगु दु ।