थप २०म्हेसित कोरोनया संक्रमण, संक्रमिततय् ल्याः ५०७म्ह थ्यन

येँ – नेपाःया थीथी जिल्लाया थप २०म्हेसित कोरोनाया संक्रमण जूगु दु । स्वास्थ्य तथा जनसंख्या मन्त्रालययया प्रवक्ता डा. विकास देवकोटां बाँकेय् १४म्ह, कैलालीइ ३म्ह, व डडेलधुरा, बैतडी व मोरङय् छम्ह-छम्हेसित संक्रमण जूगु पुष्टि यानादीगु दु ।

शुक्रवाः कैलालीया जनकी गाँउपालिकाय् च्वंगु सरस्वती मावी क्वारेन्टाइनय् च्वनाच्वंपिं १९, २३ व २६दँया मिजंतय्त संक्रमण जूगु दु । डडेलधुराया परशुराम-१० २८दँया मिजं, बैतडी शिवनाथ-१या २२दँया मिजं व मोरङया रतुवामायी-२या ४१दँया मिजंयात संक्रमण जूगु दु ।

अथेहे बाँकेय् १८ निसें ६१दँया मिजंतय्त नं संक्रमण जूगु दु । संक्रमितत मध्ये छम्ह राप्ती सोनारी गाँउपालिकाया १८दँया मिजं खःसा मेपिं नरैनापुरया गाँउपालिकायापिं खः ।

थ्वनापं नेपालय् ४३३म्ह मिजं व ७४म्ह मिसात सहित ५०७म्ह मनूत संक्रमित जूगु दु । थौंया न्हूगु संक्रमितत नापं यानाः संक्रमण खनेदुगु जिल्ला ४०गू थ्यंगु दु ।

सम्बन्धित बुखँ

LEAVE YOUR COMMENTS