धनुषाय् थप २म्हेसित कोरोनाया संक्रमण

येँ – धनुषाय् थप २म्हेसित कोरोना भाइरसया संक्रमण जूगु दु । न्हापा ४म्ह संक्रमित दुगु धनुषा जिल्लाय् शनिवाः थप २म्हेसित संक्रमण जूगु खः । स्वास्थ्य तथा जनसंख्या मन्त्रालयया कथं धुनषाया २० व ६५दँया मिजंतय्त संक्रमण जूगु खः । मन्त्रालयया कथं उमिगु स्वास्थ्य अवस्था सामान्य दु । थ्व नापं नेपालय् संक्रमित जूपिनि ल्याः २८१ थ्यंगु दु । थौं हे संक्रमण जुम्ह २९दँया मिसा धुलिखेल अस्पतालय् सीगु नं पुष्टि जूगु खः ।