नेवाः व तामाङयात सरकारी भाय् दयेकेमाः
येँ – प्रदेशया बहुसंख्यक जनतां ल्हाइगु मातृभाषायात प्रादेशिक भाषा दयेकेमाःगु माग प्रदेश सभाया दुजः बसन्त मानन्धरं यानादीगु दु । प्रदेश नम्बर ३ य् अधिकांश जनतां ल्हाइगु नेपालभाषा व तामाङभाषायात प्रादेशिक भाषा दयेकेमाः धासें उकिया निंतिं प्रदेश सरकारं स्पष्ट नीति अख्तियार यायेमाःगु माग यानादीगु दु ।
वय्कलं नेपाल लिपि व तामाङ लिपिया प्रशिक्षण व विद्यालय लिसें उच्च शिक्षाय् मातृभाषा विषययात अनिवार्य रुपं ब्वंकेमाःगु माग नं यानादीगु दु ।
लिसें वय्कलं भाषा, लिपि, संस्कृतिया संरक्षणया निंतिं प्रज्ञा प्रतिष्ठानया घोषणा यायेगु ज्या तसकं च्वछायेबहःगु ज्या जुइ धासें उगु ज्यायात याकनं कार्यान्वयन यायेमाःगु सुझाव नं सरकारयात बियादीगु दु ।
संसदय् वय्कलं ३ नम्बर प्रदेशया नां ‘नेपालमण्डल’ प्रदेश तयेमाः धकाः नं ताःई न्ह्यवंनिसें लबिङ याना वयाच्वनादीगु दु ।
LEAVE YOUR COMMENTS