स्वांयाःपुन्हिकुन्हु कालिमातिइ हिदान
येँ(नेपालभाषा टाइम्स)÷ २५६७ क्वःगु स्वांयाःपुन्हिकुन्हु कालिमातिइ हिदान ज्याझ्वः जुल । कालिमाति फ्रेण्डशीप क्लब व आर्सनल बचत तथा ऋण सहकारी संस्थाया मंकाः ग्वसालय् चित्तधर हृदयया झ्वाता न्ह्यःने उगु हिदान ज्याझ्वः जूगु खः ।
नेपाल रेडक्रस सोसाइटीया ग्वाहालिइ जूगु ज्याझ्वलय् न्यय्म्ह स्वयां अप्वःसिनं हिदान यानादीगु खः । उगु इलय् वाया निःशुल्क शिविर नं संचालन याःगु खः । शिविरय् मचांनिसें ज्याथजिथिपिंसं नं वाया परीक्षण याकूगु खः ।
LEAVE YOUR COMMENTS