नेपालय् छन्हुं हे ५७म्हेसित कोरोना, संक्रमितत १९१म्ह थ्यन
येँ – नेपालय् थौं छन्हुं हे ५७म्हेसित कोरोनाया संक्रमण जूगु दु । येँया राष्ट्रिय जनस्वास्थ्य प्रयोगशालाय् याःगु परीक्षणय् ५७म्हेसित संक्रमण जूगु पुष्टि जूगु खः । कपिलवस्तुइ ८म्ह, रुपन्देहीइ ९म्ह, बाराय् १म्ह व पर्साय् ३९म्हेसित संक्रमण जूगु खः । संक्रमित फुक्कं मिजंत जूगु खँ स्वास्थ्य तथा जनसंख्या मन्त्रालयं बिउगु दु । थ्व नापं नेपालय् संक्रमिततय् ल्याः १९१म्ह थ्यंगु दु । नेपालय् छन्हुं हे थुलिमछि ल्याखय् संक्रमित जूगु थ्व न्हापांगु घटना खः । थ्वस्वयां न्ह्यः म्हिगः २४म्हेसित संक्रमण जूगु खः ।
LEAVE YOUR COMMENTS