लुँ काण्डय् प्रहरी चीकल

येँ (नेपालभाषा टाइम्स) – येँ महानगरीय प्रहरी वृत्त दरबार मार्गया प्रमुख डीएसपी रञ्जन दाहालयात जिम्मेवारीं चीकूगु दु । १५ किलो लुँ बरामद याःगु प्रकरणय् गोलमाल जुइवं दाहालयात छानबिनया निंतिं महानगरीय प्रहरी वृत्त दरवार मार्गया नेतृत्वं चीकूगु खँ प्रहरी स्रोतं धाःगु दु ।दाहालयात घटनास्थल हिउगु, च्वय्या निकाययात गुमराह याःगु व अभियुक्त बिसिकेगु भूमिका म्हितूगु द्वपं बिउगु दु । थ्वहे वंगु साउन १३ गते प्रहरीं कमलादीइ च्वंगु नबिल बैंक न्ह्यःने १५ किलो म्हासुगु धातु बरामद याःगु खः । वयां छुं ई लिपा हे प्रहरीं ज्वंगु १५ किलो धातु मध्ये ५०० ग्राम लुँ जूगु व १४ किलो ५०० ग्राम वहः जूगु खँ धाःगु खः । उगु लँु त्वःताः गाडी फरार जुइवं प्रहरीया गतिविधियात कयाः न्ह्यसः ब्वलंगु खःसा उकियात छानविन यायेगु निंतिं प्रहरीं मेगु हे पुचः नीस्वंगु खः ।