सप्तरीइ नं कोरोना खनेदत, छम्हेसित संक्रमण

येँ – कोरोना भाइरसपाखें सप्तरीइ छम्हेसित संक्रमण जूगु दु । स्वास्थ्य तथ जनसंख्या मन्त्रालयया सह-प्रवक्ता डा. समिरकुमार अधिकारीया कथं सप्तरीया डाक्नेश्वरी नगरपालिका वडा नं ३य् च्वनीम्ह १८दँया मिजंया संक्रमण जूगु खः। वि.पी. कोइराला स्वास्थ्य विज्ञान प्रतिष्ठान धरानया प्रयोगशालाय् याःगु परीक्षणं संक्रमणया पुष्टि जूगु खः । सप्तरीइ कोरोनाया संक्रमण खनेदुगु थ्व हे न्हापांगु खुसी खः ।

थौं सुथय् जक कपिलवस्तुइ झिन्ह न्हूम्ह कोरोनाया संक्रमण खनेदुगु खः । थ्व नापं नेपालय् १२१म्ह कोरोना संक्रमित थ्यंगु दु ।