कपिलवस्तुइ थप झिम्ह संक्रमित, १२० म्ह थ्यन

येँ – कपिलवस्तुइ थाैं हाकनं झिम्ह न्हूपिं कोरोना संक्रमित खनेदुगु दु । स्वास्थ्य तथा जनसंख्या मन्त्रालयं थुकिया पुष्टि यायेधुंकूगु दु । संक्रमित जूपिं कपिलवस्तु यशोधरा गाँउपालिका–५ व बुद्धभुमि नगरपालिका–७य् च्वनीपिं खः । येँया राष्ट्रिय जनस्वास्थ्य प्रयोगशालाय् याःगु परीक्षणया झ्वलय् झिम्हेसियां रिपोर्ट पोजेटिभ वःगु खः । संक्रमित जूपिं १८, १९, २०, २०, २४, ३०, ३१, ३४ व ३४दँ मिजंत खः । छम्ह मिजंया उमेर धाःसा सिमदुनी खँ स्वास्थ्य तथा जनसंख्या मन्त्रालयया सह–प्रवत्ता डा समिरकुमार अधिकारी जानकारी बियादीगु दु । अधिकारीया कथं झिम्हं संक्रमिततय् अवस्था सामान्य दु । नेपालय् आः कोरोना संक्रमिततय् ल्याः १२०म्ह थ्यंगु दु ।