महिला बौद्ध समूहया नीन्हय्क्वःगु दँ मुंज्या

येँ – २५६३ क्वःगु बुद्ध जयन्ती लिसें महिला बौद्ध समूहया नीन्हय्क्वःगु दँ मुँज्या वंगु शनिवाः टेकुया ह्युमतय् क्वचाल । भिक्षु ज्ञानेन्द्र स्थविर मू पाहां कथं झाःगु उगु ज्याझ्वलय् पाहांपिं येँ महानगरपालिकाया मेयर विद्यासुन्दर शाक्य, उपमेयर हरिप्रभा खड्गी श्रेष्ठ, नेपालभाषा परिषद्या नायः सुवर्ण शाक्य व श्रद्धाचरी गुरुमांपिसं श्रीमिला सुवालं च्वयादीगु ‘सजिलो बुद्ध पुजा विधि’ सफू व ‘शरणागत प्रभु’ नांया म्येचा मंकाः कथं विमोचन यानादीगु खः ।

श्रीमिला सुवालया अध्यक्षताय् न्ह्याःगु ज्याझ्वलय् म्येचा पिकायेत ग्वाहालि याःम्ह अनिल तुलाधारयात दोसल्लां न्ययेकाः हंगु खःसा म्ये हाःपिंत लुमन्ति चिं लःल्हाःगु खः । ज्याझ्वः जुइ न्ह्यः बुद्धया प्रतिमा प्रदर्शन यासें ¥याली पिकाःगु खः ।

नेपालभाषा टाइम्स

च्वमिया मेमेगु

• बुँख्याः भूत
• विश्वयात रोमाञ्चित यानाच्वंगु लिच्वः
• कन्हसंनिसें त्वाः त्वालय् संकिपा महोत्सव
• यल अध्ययन केन्द्रया नेपालभाषा पाठवाचन ज्याझ्वः
• साहित्यकारतलिसे गंल्वय् अभिमुखीकरण