ज्याखँया भाय् छ्यलेगु निंतिं अभिमुखीकरण

येँ (नेपालभाषा टाइम्स) – सरकारी ज्याखँय् नेपालभाषा व तामाङ भाय् छ्यलेगु निंतिं बागमति प्रदे शया खुगू जिल्लाय् न्ह्याकूगु अभिमुखीकरण अभियान क्वचाःगु दु । सिन्धुपाल्चोक, काभ्रे , धादिङ, नुवाकोट, चितवन व सिन्धुलीया जनप्रतिनिधि लिसे कर्मचारी लिसे थ्व निगू भाय्‌या बारे अभिमुखीकरण ज्याझ्वः न्ह्याकूगु खः ।

‘भाषिक अधिकार या कार्यान्वयन, मांभाय्‌या संरक्षण व सरकारी ज्याखँय् स्थानीय भाय् छ्यलेगु’ धइगु मू उद्देश्य सहित सरकारी ज्याखँय् नेपालभाषा व तामाङ छ्यलेगु व विस्तार यायेगु उद्देश्यं प्रदेशव्यापी भाषा अभिमुखीकरण ज्याझ्वः न्ह्याकूगु खँ ने पाल तामाङ घेदुङया संघीय उपमहासचिव लिसे ज्याझ्वःया संयोजक बिलाम मो क्तानं कनादीगु दु ।

वंगु जे ठ १४ गते निसें सिन्धुपाल्चोकं न्ह्याःगु अभिमुखीकरण ज्याझ्वः २० जेठय् सिन्धुली थ्यंकाः क्वचाःगु खः । अभिमुखीकरण ज्याझ्वलय् नेपाल तामाङ घेदुङया संघीय पदाधिकारी, नेवाः देय् दबूया प्रतिनिधि, स्थानीय तहया प्रमुख-उपप्रमुख, वडाध्यक्ष, कर्मचारी, भाषा अभियन्तापिसं ब्वति काःगु खः । न्हापांखुसी ग्वसाः ग्वःगु अभिमुखीकरण अभियानं मांभाय्‌यात सरकारी सेवा प्रवाह, सूचना प्रणाली, अभिलेख व्यवस्थापन लिसे शिक्षा लिसे स्वानाःयंके माःगु खँ नं तामाङं धयादीगु दु । मांभाय्‌या संरक्षण, प्रवर्द्धन व सरकारी संरचना दुने थुकियात छ्यले गु सुनिश्चित यायेगु आज्जु कथं ज्याझ्वः न्ह्याकूगु खँ नं वय्कलं कनादिल ।