नेपालय् कोरोना संक्रमितत २४३म्ह थ्यन, थीथी थासय् थप २४म्ह संक्रमित
येँ – नेपाःया थीथी थासय् थप २४म्हेसित कोरोनाया संक्रमण जूगु दु । स्वास्थ्य तथा जनसंख्या मन्त्रालयं बिउगु जानकारी कथं रुपन्देहीलय् २४म्ह, कपिलवस्तुइ ८म्ह, पर्साय् ३म्ह व नवलपरासीलय् १म्हेसित कोरोना संक्रमण जूगु खः । येँया राष्ट्रिय जनस्वास्थ्य प्रयोगशाला व रुपन्देहीया प्रादेशिक जनस्वास्थ्य प्रयोगशालाय् याःगु परीक्षण कथं संक्रमणया पुष्टि जूगु खः ।
रुपन्देहीलय् २२, २२, २५, २८, ३०, ३२, ३३, ४१दँया मिजंत व ४, १०, २८दँया मिसातय्त संक्रमण जूगु दु । अथेहे कपिलवस्तुइ २२, २९, ३२, ४०, ४०, ४२, ४२दँ मिजंत, पर्साय् ३६ व ७४दँया मिजं व ३६दँया मिसात संक्रमण जूगु दु । नवलपरासीइ ३६दँयात मिजंयात नं कोरोनाया संक्रमण जूगु दु ।
थौं सुथय् जक नेपालगञ्ज व कपिलवस्तुइ छम्ह-छम्हेसित संक्रमण जूगु खः । थौं जक नेपालय् संक्रमण जूपिं २६म्ह जूगु दुसा नेपालय् मुक्कं संक्रमिततय् ल्याः २४३म्ह थ्यंगु दु ।
LEAVE YOUR COMMENTS