नेकपा स्थायी कमिटी मुँज्या स्थगित, मेगू मिति अनिश्चित

येँ – नेपाल कम्युनिष्ट पार्टी (नेकपा)या स्थायी कमिटीया मुँज्या स्थगित जूगु दु ।

कन्हय् सःतुगु स्थायी कमिटीया मुँज्याया एजेण्डा क्वःछित थौं पार्टीया सचिवालय मुँज्या च्वंगु खः । तर उगु मुँज्यां छुं निर्णय यायेफयेवं कन्हय्या स्थायी कमिटीया मुँज्या स्थगित जूगु खः । वैशाख २० गते च्वंगु सचिवालय मुँज्यां स्थायी कमिटी मुँज्याया प्रस्ताव तयार यायेगु जिम्मा पार्टीया अध्यक्ष पुष्पकमल दाहाल ‘प्रचण्ड’ व महासचिव विष्णु पौडेलयात बिउगु खः । तर थौंया मुँज्याय् प्रस्ताव पेश वायेमफयेवं सचिवालय मुँज्या बिना निष्कर्ष क्वचाःगु खः ।

सचिवालय मुँज्याय् प्रधामन्त्री केपी शर्मा ओली नं छुं ई जक च्वनां पिहांवंगु खः । थ्व नापं कन्हय्या स्थायी कमिटी मुँज्या स्थगित जूगु दुसा आः न्हूगु मिति गवलय् क्वःछिगु धइगु बारे तकं अन्योल जूगु दु । पार्टी महसचिव पौडेलं धाःसा छन्हु-निन्हुया दुने पार्टीं न्हूगु मिति घोषणा याइगु धयादिल ।